紅十字會70周年限量版紀念八達通
https://www5.ha.org.hk/rcbts/news/dacevent2022
香港紅十字會輸血服務中心（中心）每年頒發恆常捐血者獎予捐血次數為25次
或其倍數的捐贈者，於 2022.06.13 公布 2021~2022 年度獲嘉許的長期捐血者
名單，以表揚共 3,686位捐血累積達25次及其倍數的熱心捐血者。
為慶祝服務香港70年，紅十字會輸血服務中心給予這些長期捐血人士該中心首次
推出的紀念八達通卡：
。 ~~~~~
目錄 R ： http://octopusz.blogspot.hk/2013/09/r.html
~~~~~
【轉貼】
。 2022.06.07 【嘉許年度捐血者安排】 【Recognition to Annual Blood Donors】
為答謝捐血者在過去一年，即使在疫情的影響下，仍然風雨不改堅持恆常捐血，中心已於
六月上旬，陸續以專函通知本年度獲獎捐血者（過去一年度累積捐血次數達25次或其倍數的
人士）有關領取捐血紀念章／座及紀念品的安排，盼能與各位捐血者同慶 6.14世界捐血者日。
更多活動詳情，敬請密切留意中心網站及 Facebook 專頁。
香港的捐血服務由1952年展開，今年正踏入70周年，中心誠懇感謝各位捐血者一直以來的支持。
您的熱血之舉，為無數傷患送上痊癒的希望。期望未來仍能與各位並肩同行，堅守救人使命。
【轉貼】
。 2022.06.10 【嘉許年度捐血者活動安排】
由2022年6月11日起各得獎者就可以分批帶同換領信去換領獎章／獎座喇！❤
6月11日起，喺本年度（2021年4月1日至2022年3月31日）捐血次數達25、50、75、100嘅捐血者，
可以帶同換領信到各區捐血站領取捐血紀念章。
而由6月14日起，喺本年度捐血次數達125次或以上嘅得獎者，都可以開始帶同換領信到西九龍
捐血站換領捐血紀念座喇。
除此之外，仲有一系列「打卡」活動、媒體宣傳同捐血展覽等住同大家見面！
適逢捐血服務70周年同614世界捐血者日，中心想趁住呢個機會好好感謝一班恆常捐血者喺過去一年
嘅支持。踏入6月，位於伊利沙伯醫院同全港公共交通運輸點嘅大型廣告牌，將會以特色設計出現，
仲有部分地區小巴同電車車身，將會化身成「行走嘅 Thank You Card」，等住您地去一一捕捉哂
佢地最靚嘅一面！
想留個倩影但又怕曬？同往年一樣，中心安排咗「即影即有相機」進駐 西九龍捐血站 同 旺角捐血站；
而所有捐血站 都會設置特色佈景板，方便大家到場影相留念！
另外，本年度得獎嘅捐血者、企業同團體嘅名單，更會刊登喺《頭條日報》內，藉此表揚各位對無償
捐血文化嘅支持同努力！到時記得拎返份做紀念喇！
香港嘅無償捐血服務由1952年展開，藉住70周年，中心都會喺不同地方舉行「捐血70周年主題展覽」，
畀大家更深入了解捐血服務嘅歷史發展，以及您哋每位捐血者們如何透過血液拯救生命。
最後話埋畀您知，到時手機應用程式「HK Blood」都已經換咗70周年新介面，全新「捐血 WhatsApp
Sticker」仲會喺6月14日當日上架，大家記得同朋友開心 Share 喇。
再次衷心感謝所有捐血者願意一直與中心風雨同路，喺疫情艱難時刻仍然實踐熱血使命，以堅定意志
捐血救人，成為前線醫護人員及受血者的最強後盾。期盼大家喺未來日子繼續同我哋攜手，延續熱血使命！
活動詳情：https://www5.ha.org.hk/rcbts/news/dacevent2022
【轉貼】
。 2022.06.10 感謝捐血者 2021/22 💪🏻🩸 videos/1470362560087306
本年度嘅恆常捐血者名單出爐喇！大家搵唔搵到你個名呢？
2021/22年度獲嘉許的恆常捐血者有3,686名，佢哋都喺本年度累積捐血達25次及其倍數！
即使香港多次受到疫情衝擊，本年度仍然有121,222名熱心嘅捐血者伸出援手，並成功捐出
210,863單位的血液，製成363,025單位嘅血製品作臨床輸血治療之用，為無數危急病友
以及佢哋家人帶來希望與祝福。
嘉許名單全頁，請到中心網站查閱：https://www5.ha.org.hk/rcbts/news/dac2022e
。
。 
沒有留言:
張貼留言